Fríggjadagur 05-03-2010: Lutakast til Løgmanssteypið
Lutakastið til kappingina um Løgmanssteypið verður sent beinleiðis í sendingini 3-2 mánakvøldið.
Undanumfarið verður leikt 20. mars.
Undrið hevur ikki fingið upplýst hvørjum liðum vit kunnu vænta at koma at møta, men leystliga mett, kunnu vit vænta at møta FF Giza, MB ella Royn. Men sum sagt, vit vita ikki hvørji lið liggja í pottinum mánakvøldið, og tí skulu liðini verða tikin við fyrivarni.
Mánadagur 01-03-2010: Søgurnar ganga
Seinastu tíðina hava søgur gingið um, at ein av stuðulsleikarunum hjá Undrið hevur vant við einum øðrum felagið her í býnum. Spælarin vit tosað um er Alex 'PV' Samuelsen.
Alex hevur altíð víst ein stóran stríðsvilja og dugnsemið á vøllinum og er hann ein av skjótastu leikarunum í hópinum, og hóðast hann er ungur, er hann ein tann leikarin ið hevur spælt flestar dystir fyri Undrið.
Alex hevur í samtalu við venjaran og nevndina lagt fram, at hann hevur eitt ynski um at royna seg á hægri støði, og hesa støðu eru vit í Undrinum forstáðiligir við.
"Alex er ein leikari við góðum talenti, og um hann ynskir at royna síni evnir á hægri støði, vilja vit sjálvandi stuðla honum í tí, men hann skal vita at hann altíð er vælkomin aftur í Undrið FF" segði Mikkjal 'Tøfting' Hvannastein, eftur at hann kom út úr FSF húsinum aftaná aðalfundin leygardagin.
Undrið hevur enn ikki frætt nakað frá nøkrum felag um Alex, men heimasíðan fylgir málinum.
Fríggjadagur 26-02-2010: Nýggjir leikbúnar ávegis
Til kappingina í ár hevur felagið avgjørt at liðini skulu leika í nýggjum leikbúnum. Nýggju leikbúnarnir koma at ímynda felagið frameftur, og koma at bera nýggju litirnar.
Johann 'samba' Petersen, sum er grafikari hjá felagnum, sigur at hann er spentur uppá nýggju búnarnar. "Tá eg var spurdur um hesa uppgávuna av felagnum, var eg eitt sindur tøvandi, eg visti ikki heilt hvat eg skuldi svarað, tí eg havi ongantíð roynt nakað líknandi áður. Uppgávan innibar ikki einans at finna litir og hóskandi leikbúnar, eg skuldi eisini gera uppskot til nýtt búmerkið". Víðari sigur Johann, at nýggju búnarnir koma at verða slóðbrótandi fyri felagið tí vit fáa heilt nýggjan klædna levrandør. "Tað er ikki heilt greitt nær búnarnir koma, men vónandi um 2-3 vikir" leggur Johann afturat til endans.
Hósdagur 25-02-2010: Kavin órógvar fyrireikingarnar
Seinastu vikurnar hevur tjúkkur kavið ligið um alt landið, og hevur hetta haft við sær at venjingarnar hjá fótbóltsfeløgum hava verið nógv darvaðar av kava og frystum vallum. Eisini vit í Undrinum hava verið noyddir at býta í tað súra eplið, tí tað hevur snøgt sagt verið ómøguligt at spæla fótbólt í Gundadali í longri tíð.
"Er vøllurin ikki dekkaður av kava, ja so er hann somikið frystur at tað er ringt at spæla veruligan fótbólt", úttalar Dánjal Joensen í telefonini úr Danmørk, heðar hann er farin í útbúgvingarørindum.
Alla hesa vikuna hava venjingarnar verið avlýstar vegna kava, og sum framsøgnirnar eru nú, sær ikki út til at veður gudarnir loyva okkum at spæla fótbólt í Gundadali í nærmastu framtíð.
Avtí at tað ikki hevur verið møguligt at haft venjingar við bólti, heita venjarirnir allar leikararnar um at venja fyri seg sjálvur. Farið rennitúrar, og haldi tykkum í form!
Mikudagur 24-02-2010: Hjarta hjá John slær fyri Undrið
Einasti upprunalimurin í Undrið FF nevndini er John Høj Andreasen. John var á sinnið við til at stovna felagið, og hevur hann verið ótrúliga trúgvur í sínum arbeiði felagnum at frama.
Til dagliga arbeiðir John sum sølumaður hjá Nordfra í Árnafirði, og heðani hevur hann bjarga nógvum havnamannum ein góðan døgurða bida. Fleiri hava undrast á hvussu John fær tíð til alt sítt virksemið fyri felagið. "Eg eri bara one of the kind! Eg elskið hetta felagið og vil altíð geva meg eitt sindur eyka, har onnur høvdu givið upp." John leggur eisini afturat at hann er óforlovaður, og ikki bundin at nøkrum føstum forholdi, og tí kann hann ofra seg 100% fyri felagið.
Felagið er eisini takksamt fyri arbeiði ið John leggur í felagið. Liðskiparin í 2009, Rúni 'búff' Hvannastein, er jaligur tá vit spyrja hann, hvat hann heldur um arbeiði hjá John; "John er ein strebari, og ger alt 110%. Hann hevur mangan bjarga okkum við sínum genialu venjingum og taktikki til dystir, og hevur hann eisini hjálpt mær at taka meg nógv fram sum leikari".
John er í ár saman við Dánjal Joensen, annar av høvuðsvenjarunum í felagnum.
Týsdagur 23-02-2010: Igen og igen
Sum vit áður hava boða frá, so er felagið í holtur við at fáa eina spildur nýggja heimasíðu. Maðurin handan síðuna eitur Sveinur Dam, og er hann fegin um hendan møguleikan. "Tað er ein stór æra at sleppa at gera Undrið heimasíðuna. Eg havi altíð dámt væl at vitja inná síðuna hjá felagnum, og at sleppa at gera teirra nýggju heimasíðu er ein dreymur, ið eg ikki kundi siga nei til".
Orrsøkin til at felagið fær nýggja heimasíðu heilt skjótt, er tann at eitt ella annað álop úr stóra cyper heiminum kom á tí gomlu, og tí mettu vit tað bara verða lættast at gera eina heilt nýggja. Heimasíðan hjá Undrinum hevur áleið 70 vitjandi um dagin, og hevur altíð verið andliti hjá felagnum úteftur.
Mánadagur 22-02-2010: Undrið FF fer á FSF aðalfundinum
Undrið hevur boðað FSF frá, at vit luttaka á aðalfundinum komandi leygardag. Nógv áhugaverd mál eru á skránni, og hava vit í Undrinum saman við øðrum feløgum eisini sent onkur mál inn til viðgerðar. Hesi mál eru serliga galdandi fyri leikaraloyvir, flytingar og serligar reglur fyri 3. deild.
Mong hava spurt um, hví vit fara á fundin, tá vit sum kunnugt ikki hava valrætt til fundin. "Tað er rætt, at Undrið ikki hevur fingið valrætt til aðalfundin enn, og kemst hetta av, at vit ikki hava ungdómslið" sigur Mikkjal Hvannastein formaður felagsins. Víðari sigur Mikkjal, at Undrið ynskir eisini at vísa, at vit eru eitt seriøst felag, ið ynskir at verða við har sum tað sker!
Aðalfundurin verður í FSF húsinum leygardagin 27 feb. 2010, og fara 2-3 umboð at umboða Undrið FF á fundinum.
Hósdagur 11-02-2010: Vit hava haft nakrar trupuleikar við heimasíðuni. Hesin trupuleikin hevur verið so stórur, at vit mettu okkum ikki vera førar fyri at loysa hann. Tí var avgjørt at taka heimasíðuna av netinum í eina tíð, meðan vit upparbeiða eina nýggja heimasíðu til felagið.
Vinarliga haldi okkum til góðar.
Forsidan
